مسوڑھے خراب کرنے والے بیکٹیریا کینسر کا باعث بھی بن سکتے ہیں

ایک نئی تحقیق میں کہا گیا ہے کہ مسوڑھوں کی بیماری کا سبب بننے والے بیکٹیریا کسی شخص کے سر اور گردن کے کینسر کا خطرہ بھی بڑھا سکتے ہیں۔

محققین نے پایا کہ ایک درجن سے زیادہ بیکٹیریا کی اقسام سر اور گردن کے کینسر کے 50 فیصد بڑھتے ہوئے خطرے سے جڑی ہوئی ہیں۔


شریک سینئر مصنف ڈاکٹر رچرڈ ہیز کا کہنا تھا کہ ہمارے نتائج منہ کی صحت بخش عادات کو برقرار رکھنے کی ایک اور وجہ پیش کرتے ہیں۔

انہوں نے مزید کہا کہ اپنے دانتوں کو برش کرنے اور فلاس کرنے سے نہ صرف پیریڈونٹل بیماری کو روکنے میں مدد مل سکتی ہے بلکہ سر اور گردن کے کینسر سے بھی بچاؤ ممکن ہے۔

محققین نے نوٹ کیا کہ ان میں سے کچھ جرثومے مسوڑھوں کے سنگین انفیکشن میں حصہ ڈالتے ہیں جو جبڑے کی ہڈی اور دانتوں کے گرد نرم بافتوں کو کھاتے ہیں۔