- ربیع سیزن میں پنجاب اور سندھ کو پانی کی قلت کا سامنا ہوگا، ارسا
- ملائیشیا کے وزیراعظم انورابراہیم تین روزہ دورے پرپاکستان پہنچ گئے
- لبنان؛ حزب اللہ سے جھڑپ میں 8 اسرائیلی فوجی ہلاک
- اسموگ ایکشن پلان کے باعث لاہور سمیت دیگر شہروں میں فضائی آلودگی میں نمایاں کمی
- 4 اکتوبر کو ہر صورت ڈی چوک پر پُرامن احتجاج کریں گے، علیمہ خان
- ویت نام ؛ برڈ فلو کی وجہ سے دو ماہ میں 53 شیر اور چیتے ہلاک
- ٹرانسفارمیشن پلان، ایف بی آر نے بورڈ ممبران کے عہدے ختم اور ضم کردیے
- پی ٹی ایم کے کیمپ پر پولیس کارروائی، بیرسٹر سیف نے ملبہ وفاق پر ڈال دیا
- پاکستان اور ڈنمارک کے درمیان پائیدار بندرگاہوں اور انفراسٹرکچر میں تعاون کے معاہدے پر دستخط
- آئینی ترامیم نہ ہونے کی صورت میں پیدا ہونے والے حالات پھر شاید کسی کے کنٹرول میں نہ رہیں، بلاول بھٹو زرداری
- توشہ خانہ ٹو ریفرنس میں فرد جرم عائد نہ ہوسکی
- نواز شریف کے بیان پر خیبر پختونخوا حکومت کا ردعمل سامنے آگیا
- معیشت، سوسائٹی، گورننس کو ڈیجیٹلائز کررہے ہیں، وزیرمملکت آئی ٹی
- ٹیسٹ رینکنگ؛ بابر اعظم کی تنزلی، محمد رضوان کی ترقی
- پنجاب میں7 اضلاع کے ڈپٹی کمشنر سمیت 12 افسران کے تقرر و تبادلے کے احکامات جاری
- معروف اسکالر ڈاکٹر ذاکر نائیک کراچی پہنچ گئے
- ہم کسی سے تصادم نہیں چاہتے، کسی کو نقصان پہنچانا ہمارا مقصد نہیں، علی امین گنڈاپور
- اسرائیل کی جوابی حملے کی دھمکی؛ ایران نے اپنے ایٹمی ہتھیاروں کو محفوظ کرلیا
- تین ہٹی کے اطراف میں نادہندگان پر واجب الادا رقم 29 کروڑ سے تجاوز کر گئی، ترجمان کے الیکٹرک
- کراچی؛ پوش علاقوں میں ڈکیتی کی بڑی وارداتیں کرنے والا وائٹ کرولا گینگ گرفتار
ایف آئی اے میں ایزی پیسہ سے متعلق گمراہ کن خبریں پھیلانے والوں کے خلاف شکایت درج
اسلام آباد: پاکستان کے معروف ڈیجیٹل فنانشل سروسز پلیٹ فارم ایزی پیسہ نے ٹک ٹاک، انسٹاگرام اور فیس بک سمیت سوشل میڈیا پلیٹ فارمز پر غلط اور گمراہ کن خبریں پھیلانے والوں کے خلاف وفاقی تحقیقاتی ادارے (ایف آئی اے) میں باضابطہ شکایت درج کرادی ہے۔
اس حوالے سے بدھ کو اسلام آباد سے جاری کردہ اعلامیہ کے مطابق جعلی خبر میں دعویٰ کیا گیا ہے کہ 30 ستمبر 2024 کو ایزی پیسہ اکاؤنٹس بلاک کر دیے جائیں گے اس لیے اکاؤنٹ ہولڈر فوری طور پر اپنی رقم نکال لیں جو سراسر غلط ہے۔
یہ شکایت ایزی پیسہ میں قانونی چارہ جوئی کے سربراہ نریش کمار ارووانی نے درج کرائی ہے جس میں کہا گیا کہ بے بنیاد افواہیں صارفین میں غیرضروری بے چینی پیدا کر رہی ہیں جس سے کمپنی کی ساکھ کو نقصان پہنچ رہا ہے۔
ایزی پیسہ نے عوام کو یقین دلایا کہ یہ افواہیں مکمل طور پر بے بنیاد ہیں اور تمام اکاؤنٹس معمول کے مطابق کام کرتے رہیں گے ایف آئی اے کے سائبر کرائم ونگ سندھ نے شکایت پر ایکشن لیتے ہوئے کیس تجربہ کار تفتیشی افسر امیر علی کھوسو کے سپرد کردیا ہے اور غلط معلومات پھیلانے میں ملوث افراد کی نشاندہی اور ان کے خلاف قانونی کارروائی کے لیے تحقیقات شروع کردی ہے۔
مزید برآں ایزی پیسہ کے نارتھ ریجن کے قانونی مشیر بلال مصطفی نے تصدیق کی ہے کہ اسی طرح کی ایک اور شکایت وفاقی تحقیقاتی ادارے کے سائبر ونگ اسلام آباد میں بھی درج کرائی گئی ہے۔
ایف آئی اے اسلام آباد نے ملزمان کی شناخت کے لیے نادرا سے رابطہ کرکے کارروائی کا آغاز کردیا ہے جبکہ پی ٹی اے کو توہین آمیز مواد سے منسلک متعلقہ سوشل میڈیا لنکس بلاک کرنے کی ہدایت بھی کردی ہے۔
سوشل میڈیا پلیٹ فارمز کے ذریعے غلط معلومات پھیلانا پریوینشن آف الیکٹرانک کرائمز ایکٹ (پی ای سی اے) 2016 کی خلاف ورزی ہے اور اس کے ذمہ داروں کو سخت سزا کا سامنا کرنا پڑسکتا ہے۔
ایزی پیسہ نے صارفین پر زور دیا کہ وہ اس کی خدمات سے متعلق خبروں اور تازہ ترین معلومات کے لیے صرف متعلقہ ذرائع پر بھروسہ کریں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔