- عمران خان سمیت پی ٹی آئی رہنماؤں کارکنوں پر لاہور میں بغاوت اور دہشتگردی کا مقدمہ
- راولپنڈی؛ لین دین کے تنازع پر 2 افراد قتل
- لاہورسمیت پنجاب کے مختلف اضلاع میں بارش
- بلوچستان سے بھوسے کی آڑ میں چھالیہ اسمگلنگ کی کوشش ناکام
- بانی چیئرمین کے اعلان تک احتجاج جاری رہے گا، شیخ وقاص اکرم
- اسرائیلی فوج کی غزہ میں مسجد اور اسکول پر وحشیانہ بمباری، 24 فلسطینی شہید
- پی ٹی آئی احتجاج میں زخمی ہونے والا پولیس کانسٹیبل جاں بحق
- پی ایس ایل؛ پلیئرز سے براہ راست معاہدوں کی تجویز مسترد
- محکمہ موسمیات کی کراچی میں درجہ حرارت دوبارہ بڑھنے کی پیشگوئی
- سری لنکا میں کئی سال سے قید 56 پاکستانی آج وطن واپس پہنچیں گے
- شکستوں کا داغ دھونے کیلئے پاکستان کو فتوحات کی تلاش
- ملتان ٹیسٹ، کون پڑے گا کس پر بھاری؟ ٹیموں کی تیاری جاری
- پی ٹی آئی احتجاج؛ جڑواں شہروں میں رکاوٹیں ہٹانے کا سلسلہ شروع، موبائل فون و انٹرنیٹ سروس بحال
- برف سے ڈھکا دنیا کا سرد ترین خطہ سرسبز ہونے لگا
- دوستوں کا ساتھ زندگی میں خوشی کی کلید ہے، ماہرین
- پاکستانی ٹیم انگلینڈ کیلیے ترنوالہ ثابت نہیں ہوگی
- فیس بک کی بدولت جوڑے کو 57 سال بعد اپنی شادی کی ویڈیو مل گئی
- پاکستان سے غیرملکی سرمایہ کاری کے انخلا کا پروپیگنڈہ افسانہ قرار
- رحیم یار خان کچے میں پولیس آپریشن، سابق ایس ایچ او ماچھکہ کی شہادت میں ملوث دو ڈاکو ہلاک
- کراچی میں ڈی ایس پی علی رضا کے قتل میں ملوث 2 ملزمان مبینہ مقابلے میں ہلاک
پی ایس ایل؛ پلیئرز سے براہ راست معاہدوں کی تجویز مسترد
کراچی: پی ایس ایل فرنچائزز نے اسٹار کھلاڑیوں سے براہ راست معاہدوں کی تجویز مسترد کر دی، دستیاب کرکٹرز کی غیرمتاثرکن فہرست وجہ بنی، دسمبر کے آخری ہفتے یا جنوری کے اوائل میں ڈرافٹ کا انعقاد ہوگا۔
تفصیلات کے مطابق ایف ٹی پی سے ہٹ کر شیڈول کردہ ٹرائنگولر سیریز اور پھر چیمپیئنز ٹرافی کی وجہ سے 2025 میں پاکستان سپر لیگ کا انعقاد روایتی تاریخوں پر نہیں ہو پائے گا، پی سی بی نے 10 اپریل سے25 مئی تک کی ونڈو دی ہے، انہی میں سے تاریخوں کو فائنل کیا جائے گا۔
آئی پی ایل سے تصادم کی وجہ سے اہم پلیئرز کی عدم دستیابی سمیت ریونیو میں کمی جیسے معاملات سامنے آ سکتے ہیں۔ اسی لیے بورڈ فرنچائزز کو بڑے کھلاڑیوں سے براہ راست معاہدوں کا اختیار دینے پر غور کر رہا تھا، ہر ٹیم میں 1 سے 2 مارکی پلیئرز جگہ بنا سکتے تھے، البتہ فرنچائزز نے یہ تجویز مسترد کر دی۔
بورڈ نے گزشتہ آئی پی ایل میں شریک نہ ہونے والے اور ممکنہ دستیاب دیگر کرکٹرز کی ایک فہرست اونرز کو بھیجی تھی، البتہ وہ متاثر کن نہیں تھی اس لیے منظور نہیں کیا گیا، حالیہ آن لائن میٹنگ میں ٹیم مالکان و نمائندوں نے اپنے فیصلے سے پی سی بی کو آگاہ کر دیا، بھارتی کرکٹ بورڈ آئندہ ماہ سعودی عرب میں آئی پی ایل آکشن پر غور کر رہا ہے، اس کے بعد صورتحال واضح ہو سکے گی اور دسمبر کے آخری ہفتے یا جنوری کے اوائل میں پی ایس ایل ڈرافٹ کا انعقاد ہو پائے گا۔
میٹنگ میں انگلش بورڈ کی جانب سے این او سی پر سخت پالیسی اور پاکستانی لیگ پر اس کے اثرات کا بھی نکتہ اٹھایا گیا، جس پر بورڈ کے سی او او سلمان نصیر نے کہا کہ ہم میڈیا رپورٹس پر کوئی بات نہیں کریں گے، ٹیسٹ میچز دیکھنے کیلیے چیئرمین ای سی بی پاکستان آئیں گے تب ان سے تبادلہ خیال کیا جائے گا۔ میٹنگ میں پی ایس ایل 11 کی ونڈو پر بھی بات ہوئی، 2026 کے فروری، مارچ میں بھارت اور سری لنکا کو آئی سی سی ٹی ٹوئنٹی ورلڈکپ کی میزبانی کرنا ہے۔
اس وجہ سے پی ایس ایل کی تاریخیں پھر تبدیل کرنا پڑیں گی، اپریل یا پھر ستمبر، اکتوبر میں انعقاد ممکن ہوگا، پی سی بی آفیشل نے کہا کہ رواں ماہ آئی سی سی اجلاس کے بعد ہی اس حوالے سے کچھ بتا سکیں گے، میٹنگ کے دوران لیگ میں ٹیمیں بڑھانے کے ابتدائی پراسس پر بھی مختصر بات ہوئی، الگ کمپنی کے معاملے پر کہا گیا کہ اس حوالے سے چیئرمین پی سی بی ہی کچھ بتا سکیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔