عمارت گرنے سے 27 افراد کی ہلاکت دیت ادا نہ کرنے پر بلڈر کو جیل بھیجنے کا حکم

ایڈیشنل ڈسٹرکٹ اینڈ سیشن جج نے رضویہ سوسائٹی میں عمارت گرنے سے 27 افراد کے جاں بحق ہونے کے مقدمے میں دیت کی رقم ادا نہ کرنے پر بلڈر سمیت 5 ملزمان کو جیل بھیجنے کا حکم دیدیا۔

کراچی میں ایڈیشنل ڈسٹرکٹ اینڈ سیشن جج ضلع وسطی غلام مصطفی لغاری نے رضویہ سوسائٹی میں عمارت گرنے کے مقدمے میں 27 افراد کے جاں بحق ہونے کا حکم نامہ جاری کردیا۔


عدالت نے بلڈر جاوید احمد خان، اہلیہ ڈاکٹر جمال فاطمہ سمیت 5 ملزمان کو دیت ادا نہ کرنے پر جیل بھیجنے کا حکم جاری کردیا۔ دیگر ملزمان میں جہانزیب، جبران اور جنید بھی شامل ہیں۔

5 مارچ 2020 کو رضویہ سوسائٹی میں عمارت گر گئی تھی۔ عمارت گرنے سے خواتین سمیت 27 افراد جاں بحق ہو گئے تھے۔ عدالت نے 81 لاکھ 3 ہزار 595 روپے فی کس دیت ادا کرنے کا حکم دیا تھا۔