- فضل الرحمان کی مداخلت پر عمران خان سے پی ٹی آئی وفد کو ملاقات کی اجازت
- عمران خان کی ذاتی معالج سے معائنے سمیت 3 درخواستوں پر فیصلہ محفوظ
- آئینی ترامیم کی منظوری: بلاول کی وزیراعظم اور فضل الرحمان سے ملاقاتیں
- اسرائیلی وزیراعظم کی ذاتی رہائش گاہ پرلبنان سے ڈرون حملہ
- کیا اسرائیل فلسطینیوں سے بنو نضیر کی ذلت کا بدلہ لے رہا ہے؟
- ہندو امریکی فاؤنڈیشن مودی سرکار کی لابنگ میں سرگرم
- اڈیالہ جیل میں قیدیوں سے ملاقاتوں پر پابندی میں توسیع
- حکومت مرضی کے جج اور فیصلے چاہتی ہے، حافظ نعیم الرحمٰن
- آئینی ترمیم؛ پی ٹی آئی وفد آج پھر مولانا فضل الرحمٰن کی رہائش گاہ پہنچ گیا
- تعلیمی اداروں کے اطراف کریک ڈاؤن؛ 47 لاکھ روپے سے زائد کی منشیات برآمد
- جی ایچ کیو کیس؛ جج کو اڈیالہ آنے سے روک دیا گیا، عمران خان پر فرد جرم عائد نہ ہوسکی
- وزیراعلیٰ پنجاب کا خواتین وکلا کیلیے بار روم اور ڈے کیئر سینٹرز بنانے کا حکم
- عمران خان فوکل پرسن بازیابی کیس میں خصوصی ٹیم کی تشکیل
- اسلام آباد ہائیکورٹ؛ آئندہ ہفتے کیسز کی سماعت کا ججز ڈیوٹی روسٹر جاری
- پاکستان اور انگلینڈ کی ٹیمیں آج شب ملتان سے پنڈی روانہ ہوں گی
- کیوبا میں بجلی کا بڑا بریک ڈاؤن؛ ملک بھر میں اسکولز اور دفاتر بند
- عمران خان سے ملاقات کے لیے تاحال کوئی پی ٹی آئی رہنما اڈیالہ نہیں پہنچا
- وزیراعلیٰ پختونخوا کے فارم ہاؤس کے قریب ایف سی کے قافلے پر دھماکا
- دورۂ آسٹریلیا؛ فخرزمان کا انتخاب دشوار نظر آنے لگا
- ویمنز ورلڈکپ: نیوزی لینڈ کی فائنل میں رسائی، ویسٹ انڈیز ناکام
پاکستان اور انگلینڈ کی ٹیمیں آج شب ملتان سے پنڈی روانہ ہوں گی
لاہور: پاکستان اور انگلینڈ کے درمیان تیسرا اور فیصلہ کن ٹیسٹ چوبیس اکتوبر سے راولپنڈی میں شیڈول ہے جس کے لیے دونوں ٹیمیں آج شب ملتان سے پنڈی روانہ ہوں گی۔
ذرائع کےمطابق انگلینڈ اور پاکستان کے کھلاڑیوں کی رات آٹھ بجے چارٹرڈ فلائٹ سے روانگی کا پلان بنایا گیاہے۔
پنڈی میں آج شب کو ڈیرے ڈالنے کے بعد دونوں ٹیمیں اتوار کو آرام کریں گے، پیر سے ان کے ٹریننگ سیشنز تجویزکیے گئے ہیں۔
ملتان کی طرح راولپنڈی میں بھی اسپنرز کو مدد دینے والی پچ تیارکی جارہی ہے۔ مہمان ٹیم کوپنڈی اسٹیڈیم میں پاکستانی ٹیم پر سبقت حاصل ہے۔ یکم سے پانچ دسمبر دوہزار بائیس کو پاکستان اور انگلینڈ کے درمیان یہاں آخری بار ٹیسٹ کھیلا گیا تھا جس میں بن اسٹوکس الیون نے چوہتر رنز سے کامیابی پائی تھی۔
پاکستان پیسر نسیم شاہ،محمد علی، حارث روف کے ساتھ میدان میں اترا تھا، اسپنرز زاہد محمود، سلمان آغا اور سعود شکیل نے ذمہ داریاں نبھائیں۔ انگلینڈ نے ٹاس جیت کر پہلے بیٹنگ کرتے ہوئے پہلی اننگزمیں چھ سو ستاون کا مجموعہ اسکور بورڈ پر سجایا، جس میں چار سنچریان شامل تھیں۔
اوپنرزبن ڈکٹ اورزیک کرالے نے دو سو تیئس رنز کا اسٹینڈ دیا، بن ڈکٹ ایک سو سات جبکہ زیک کرالےنے ایک سو بائیس رنز کی اننگز کھیلی تھی۔اولی پوپ ایک سو آٹھ رنز کے ساتھ پاکستانی بولرز پر بھاری پڑے تھے۔ہیری بروک نے ایک سو چون رنز بناکر اپنی ٹیم کی پوزیشن کو مزید مستحکم بنانے میں اہم کردار ادا کیاتھا۔
پاکستان کی جانب سے زاہدمحمود نے چار،نسیم شاہ نے تین، محمد علی نے دو جبکہ حارث روف نے ایک وکٹ لی تھی۔ جواب میں بابر اعظم الیون پانچ سو نواسی رنز بنانےمیں کامیاب رہی۔ عبداللہ شفیق ایک سو چودہ، امام الحق ایک سو اکیس، بابر اعظم ایک سو چھتیس رنز کے ساتھ نمایاں رہے تھے۔ویل جیکس نے چھ شکار کیے تھے۔
دوسری باری میں انگلینڈ نے سات وکٹ کے نقصان پر دو سوچونسٹھ پر اننگز ڈیکلیئر کردی تھی۔ جواب میں تین سو تنتالیس رنز کے ہدف میں پاکستانی ٹیم دو سو اڑسٹھ رنز بناپائی۔سعود شکیل چھہتر،امام الحق اڑتالیس،محمد رضوان چھیالیس رنزبن سکے تھے۔اس بار روایت سے ہٹ کر ٹریک بنانے کی کوشش کی جارہی ہے تاکہ انگلش ٹیم کو قابو کیا جاسکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔