کراچی؛ اینٹی کار لفٹنگ سیل کی کارروائی، 6 ملزمان گرفتار 2 کاریں برآمد
کاریں چھننے والے ملزمان نے سرجانی ٹاؤن اور گلستان جوہر سے کاریں چوری کی تھیں، پولیس حکام
فوٹو- فائل
کراچی:
اینٹی کار لفٹنگ سیل گلستان جوہر اور اورنگی ٹاؤن ڈویژن پولیس نے کارروائیاں کرتے ہوئے 6 کار لفٹر ملزمان کو گرفتار کر کے ان کے قبضے سے دو کاریں برآمد کر لیں۔
پولیس کے مطابق کاریں چھننے والے 6 گرفتار ملزمان نے سرجانی ٹاؤن اور گلستان جوہر سے کاریں چوری کی تھیں جنہیں پولیس نے برآمد کر لیا۔
پولیس کا کہنا ہے کہ گرفتار ملزمان میں فرقان علی حاجانو ، غلام اصغر حاجانو ، عجب گل حاجانو ، معراج حسین ، منصور خان اور یار محمد شامل ہیں۔
پولیس حکام کے مطابق گرفتار ملزمان کے ساتھیوں کی گرفتاری اور مزید گاڑیوں کی برآمدگی کےلیے چھاپے مارے جارہے ہیں۔