پشاور؛ گھر سے خاتون کی 2 بچوں سمیت لاشیں برآمد
ابتدائی معلومات کے مطابق تینوں کو زہر دے کر مارا گیا ہے، پولیس
(فوٹو: فائل)
PESHAWAR:
گھر سے ایک خاتون کی اس کے 2 بچوں سمیت لاشیں برآمد ہوئیں۔
پولیس کے مطابق صوبائی دارالحکومت پشاور کے علاقے فقیر آباد میں ایک گھر سے 3 لاشیں برآمد ہوئیں، ابتدائی معلومات کے مطابق لاشیں خاتون اور اس کے 2 بچوں کی ہیں۔
ایس پی فقیر آباد کے مطابق معلوم ہوا ہے کہ خاتون اور اس کے دونوں بچوں کو زہر دے کر مارا گیا ہے۔ لاشوں کی پوسٹ مارٹم رپورٹ سامنے آنے کے بعد اصل حقائق سامنے آ جائیں گے۔
پولیس نے جائے وقوع سے شواہد اکٹھے کرکے مختلف پہلوؤں کو پیش نظر رکھتے ہوئے تحقیقات شروع کردی ہے۔