جیسن گلیسپی نے بابراعظم سے متعلق بڑی پیشگوئی کردی

قومی ٹیم کے ریڈ بال فارمیٹ کے ہیڈکوچ جیسن گلیسپی نے سابق کپتان بابراعظم سے متعلق بڑی پیشگوئی کردی۔
 

اسکائی اسپورٹس سے گفتگو کرتے ہوئے قومی ٹیم کے ہیڈکوچ جیسن گلیسپی نے بابراعظم کو عالمی کرکٹ کے بہترین بلے بازوں میں سے ایک قرار دیا۔

انہوں نے کہا کہ ٹیم سے باہر کرنے سے متعلق سوال کا جواب نہیں دے سکتا کیونکہ سلیکٹر نہیں ہوں، البتہ بابراعظم بہترین کرکٹر ہیں اور مجھے یقین ہے وہ تینوں فارمیٹ میں جلد کم بیک کریں گے۔

مزید پڑھیں: پریکٹس سیشن؛ ہیڈکوچ جیسن گلیسپی پانی کی خالی بوتلیں اٹھانے لگے

خیال رہے کہ قومی ٹیم کے سابق کپتان کو ناقص پرفارمنس اور مسلسل ناکامی کی وجہ سے انگلینڈ کے خلاف سیریز سے باہر کردیا گیا تھا اور انہیں آرام کا مشورہ دیا گیا تھا۔

مزید پڑھیں: کھلاڑیوں کی کارکردگی کا ذمہ دار ہوں، سلیکشن کا نہیں!

بابراعظم مسلسل 18 اننگز میں 50 یا اس سے زائد کا ہندسہ عبور کرنے سے قاصر رہے۔