مسلسل 6 ہاریں کیسے سنبھال لیں؟ رمیز نے شان مسعود کا مذاق بناڈالا

انگلینڈ کے خلاف ٹیسٹ سیریز جیتنے والے کپتان شان مسعود کو تنقید کا نشانہ بنانے پر کمنٹیٹر رمیز راجا تنقید کی زد میں آگئے۔

راولپنڈی ٹیسٹ میچ میں فتح کے بعد پریزینٹیشن کے دوران گفتگو کرتے ہوئے پاکستان کرکٹ بورڈ (پی سی بی) کے سابق چیئرمین اور کمنٹیٹر رمیز راجا نے طنزیہ انداز میں شان مسعود کے مسلسل 6 ٹیسٹ میچز ہارنے کے ریکارڈ پر سوال اٹھایا کہ آپ نے اتنی غیر معمولی کارکردگی کیسے دکھائی؟۔

تاہم شان مسعود نے اطمینان سے جواب دیتے ہوئے کہا، رمیز بھائی، ہمیں اس جیت کی ضرورت تھی اور میں واقعی خوش ہوں کہ پاکستان جیت گیا۔

مزید پڑھیں: راولپنڈی ٹیسٹ؛ رمیز نے دوران کمنٹری بھارتی ٹیم کی کھنچائی کردی

اس واقعے بعد مداحوں نے رمیز راجا کو تنقید کا نشانہ بناتے ہوئے کہا کہ 2021 کے بعد ہوم گراؤںڈ پر ملسلسل ہارنے والی ٹیم کے کپتان سے اس انداز میں بات چیت کرنا نہایتی عجیب تھا۔

مزید پڑھیں: راولپنڈی؛ ساجد خان 10 وکٹیں لینے والے پہلے اسپنر بن گئے

مداحوں کا کہنا تھا کہ وننگ ٹیم کے کپتان سے متعق رمیز راجا کے خیالات اچھے نہیں تھے۔

واضح رہے کہ پاکستان نے 2021 کے بعد تقریباً ساڑھے 3 سال کے عرصے میں ہوم گراؤنڈ پر پہلی سیریز جیتی جبکہ 19 سال بعد انگلش ٹیم کو ہوم گراؤنڈ پر شکست سے دوچار کیا تھا۔