اسلام آباد ہائیکورٹ بار کا ایمان مزاری اور شوہر کی فوری رہائی کا مطالبہ

اسلام آباد ہائیکورٹ بار نے انسانی حقوق کی وکیل ایمان مزاری اور اُن کے شوہر ہادی علی چٹھہ کی گرفتاری کی مذمت کرتے ہوئے فوری رہائی کا مطالبہ کردیا۔

ہائیکورٹ بار کے سیکریٹری بار شفقت عباس تارڑ نے مذمتی اعلامیہ جاری کیا جس میں ایمان مزاری اور ہادی علی چٹھہ کی فوری رہائی کا مطالبہ کیا گیا ہے۔

اعلامیے میں کہا گیا ہے کہ ایمان مزاری اور ہادی علی چٹھہ کی گرفتاری کی مذمت کرتے ہیں، ایمان مزاری اور ہادی علی چٹھہ کو فوری رہا کیا جائے۔

پولیس انتظامیہ کے من گھڑت اقدامات کے خلاف وکلا کے ساتھ کھڑے رہیں گے۔

واضح رہے کہ اسلام آباد کے تھانہ آبپارہ کی پولیس نے ایمان مزاری اور اُن کے شوہر کو کار سرکار میں مداخلت کے مقدمے میں گرفتار کیا ہے۔