بین اسٹوکس کے گھر چوری کرنے کے الزام میں ایک شخص گرفتار 

انگلش ٹیم کے کپتان بین اسٹوکس کے گھر چوری کرنے کے الزام میں برطانوی پولیس نے ایک 32 سالہ شخص کو گرفتار کرلیا۔

میڈیا رپورٹس کے مطابق انگلش ٹیسٹ ٹیم کے کپتان بین اسٹوکس کے گھر چوری کی واردات 17 اکتوبر ہوئی تھی، اسوقت انکی فیملی گھر پر ہی موجود تھی تاہم انہیں کوئی نقصان نہیں ہوا۔

ڈرہم کانسٹیبلری نے فیس بک پر پوسٹ کیے گئے ایک بیان میں گرفتاری کی تصدیق کرتے ہوئے کہا کہ ملزم سے پوچھ گچھ کے بعد اُسے ضمانت پر رہا کردیا گیا ہے۔

مزید پڑھیں: دورہ پاکستان پر آئے انگلش کپتان کے گھر چوری! کیا کچھ چرایا گیا؟

قبل ازیں بین اسٹوکس نے سوشل میڈیا سائٹ ایکس پر ٹوئٹ کرتے ہوئے بتایا تھا کہ 17 اکتوبر کی شام چند ماسک پہنے لوگوں نے میرے گھر چوری کی۔ وہ جیولری، قیمتی اشیا اور ذاتی استعمال کی اچھی خاصی چیزیں ساتھ لےگئے۔

بین اسٹوکس کا کہنا تھا کہ میں چوری ہونے والی چند اشیا کی چیزیں بھی شیئر کر رہا ہوں، اس کا مقصد صرف ان لوگوں کو پکڑنا ہے۔