آزاد کشمیر میں بس کھائی میں جا گری 15 افراد جاں بحق 20 سے زائد زخمی

میر پور میں مسافر بس گہری کھائی میں جاگری جس کے نتیجے میں 15 افراد جاں بحق جبکہ 20 سے زائد زخمی ہوگئے۔

ایکسپریس نیوز کے مطابق آزاد کشمیر کے علاقے میرپور سے ایک مسافر بس سماہنی جارہی تھی کہ پونا کے مقام پر تیز رفتاری کے باعث بے قابو ہوکر گہری کھائی میں جاگری جس کے نتیجے میں بس میں سوار 14 مسافر جاں بحق جبکہ 40 سے زائد زخمی ہوگئے۔


حادثے پر ریسکیو اداروں کے اہلکاروں اور مقامی افراد کی جانب سے امدادی کارروائیاں شروع کردی گئی ہیں اور زخمیوں کو ضلعی ہیڈ کوارٹرز اسپتال میرپور منتقل کردیا گیا ہے،زخمیوں میں خواتین اور بچوں کی بڑی تعداد شامل ہیں جبکہ کئی زخمیوں کی حالت بھی تشویشناک بتائی جاتی ہے۔

صدر مملکت ممنون حسین اور وزیراعلیٰ پنجاب شہبازشریف نے واقعے پر قیمتی جانوں کے ضیاع پر گہرے دکھ اور افسوس کا اظہار کیا ہے۔