آئی سی سی پلیئر آف دی منتھ کی نامزدگیوں کا اعلان، پاکستانی کرکٹر بھی شامل

انٹر نیشنل کرکٹ کونسل (آئی سی سی) نے پلیئر آف دی منتھ کی نامزدگیوں کا اعلان کردیا۔

انٹرنیشنل کرکٹ کونسل کے مطابق پاکستان کے نعمان علی، نیوزی لینڈ کے میچل سینیٹنر اور جنوبی افریقا کے کگیسوربادا کو اکتوبر 2024 کے آئی سی سی پلیئر آف دی منتھ کیلئے نامزد کیا گیا ہے۔

 کھلاڑیوں کے ناموں کا اعلان اکتوبر کی کارکردگی کی بنیاد پر کیا گیا ہے، پاکستانی اسپنر نعمان علی نے اکتوبر میں انگلینڈ کیخلاف دو ٹیسٹ میچز میں 20 وکٹیں حاصل کی تھیں۔

نعمان علی نے بولنگ کے ساتھ بیٹنگ میں بھی قابل ذکر کارکردگی دکھاتے ہوئے انگلینڈ کیخلاف تیسرے ٹیسٹ میں پاکستان کی پہلی اننگز میں انتہائی اہم 45 رنز اسکور کیے تھے۔

دوسری جانب آئی سی سی ویمن پلیئر آف دی منتھ کیلئے ویسٹ انڈیز کی دیاندر ا ڈوٹن، نیوزی لینڈ کی میلیاکر اور جنوبی افریقا کی لاور اوولارٹ کو نامزد کیا گیا ہے۔