ایکسپریس نیوز اے آئی رپورٹرز کا استعمال کرنے والا پہلا پاکستانی چینل بن گیا

ایکسپریس نیوز اے آئی رپورٹرز کو ڈیبیو کرنے والا پہلا پاکستانی چینل بن گیا۔

ایکسپریس نیوز نے 5 نومبر امریکی صدارتی الیکشن کی انتخابی کوریج میں اے آئی رپورٹرز کو شامل کرکے ایک اہم سنگ میل عبور کرلیا۔

ایکسپریس نیوز کا اے آئی ٹیکنالوجی سے استفادہ کرنا عالمی میڈیا کے رجحانات سے ہم آہنگ ہے، جہاں مصنوعی ذہانت کو تیز تر اور زیادہ مؤثر خبروں کی ترسیل کے لیے استعمال کیا جا رہا ہے۔

یہ تاریخی کارنامہ نہ صرف ایکسپریس نیوز کو پاکستانی میڈیا کی جدت میں سب سے آگے کرتا ہے بلکہ صحافت میں ٹیکنالوجی کے استعمال کے بڑھتے ہوئے کردار کی دلیل بھی ہے۔

ایکسپریس نیوز کا AI کا استعمال خبروں کی دنیا میں ایک منفرد مثال قائم کرتا ہے اور میڈیا میں تکنیکی ترقی کے لیے ایک جرات مندانہ عزم کی عکاسی بھی کرتا ہے۔