دیر میں تیز بارش کیساتھ ژالہ باری، موسم سرد اور آلودگی کا خاتمہ ہوگیا

دیر میں رات گئے تیز بارش سے موسم سرد اور آلودگی کا خاتمہ ہوگیا جبکہ ژالہ باری سے فصلوں اور میوجات کے باغات تباہ ہوگئے۔

تفصیلات کے مطابق بارش سے بجلی کا نظام درہم برہم ہوگیا اور رات سے مختلف علاقوں کی بجلی منقطع ہے۔

کمراٹ، جہاز بانڈہ اور دیگر بالائی علاقوں میں ہلکی برف باری ہوئی، بارش سے سردی کی شدت میں اضافہ کے ساتھ لوگوں نے گرم ملبوسات کا استعمال شروع کر دیا۔

مردان کی تحصیل رستم اور گردونواح میں تیز آندھی اور ہواؤں کے ساتھ بارش اور شدید ژالہ باری ہوئی۔ بارش سے فضائی آلودگی کا خاتمہ اور موسم سرد ہوگیا۔