سابق بھارتی کرکٹر کا بیٹا جنس تبدیل کروا کر لڑکی بن گیا

سابق بھارتی کرکٹر اور کوچ کے 23 سالہ بیٹے نے ہارمون ریپلیسمنٹ تھراپی کے ذریعے اپنی جنس تبدیل کرالی۔

بھارتی میڈیا کے مطابق آریان نے اپنے سوشل میڈیا اکاؤنٹس پر تبدیلیٔ جنس سے متعلق آگاہ کرتے ہوئے لکھا کہ مجھے شروع سے محسوس ہو رہا تھا کہ میں وہ نہیں ہو جو شناخت مجھے دی گئی ہے۔

آریان نے اپنی انسٹاگرام کی طویل پوسٹ میں لڑکے سے لڑکی بننے کے عمل تک کے مراحل کو بیان کیا اور ان مشکلات کا زکر کیا جس سے وہ برسوں تک لڑتے رہے۔

22 سال تک ایک لڑکے کی حیثیت سے پلنے بڑھنے اور تعلیم حاصل کرنے والے آریان نے 2023 میں ہارمون تھراپی کروانا شروع کیں اور 11 ماہ بعد ٹرانس جینڈر لڑکی بن گئیں۔