نوجوت سنگھ سدھو کی کپل شرما کے شو میں واپسی

ٹیزر میں دکھایا گیا ہے کہ شو میں سابق بھارتی کرکٹر ہربھجن سنگھ بھی اپنی اہلیہ گیتا بسرا کے ساتھ شرکت کرتے ہیں، جس سے شو میں مزید دلچسپی کا اضافہ ہوگیا ہے۔

سدھو کے پوسٹ پر مداحوں کی جانب سے بےحد خوشی کا اظہار کیا گیا ہے مداح کامیڈی شو میں ان کی واپسی پر خوش ہیں۔

سدھو کی غیر موجودگی میں ان کی نشست پر اداکارہ ارچنا پورن سنگھ نے جگہ لے لی تھی اور وہ اب تک شو میں شریک ہیں تاہم تب سے ہی ناظرین میں اکثر یہ سوال گردش کرتا رہا ہے کہ کیا سدھو شو میں واپس آئیں گے یا نہیں۔

یاد رہے کہ2019  میں پلوامہ حملے پر سدھو کے ایک بیان کے بعد بھارت میں ایک تنازعہ کھڑا ہوگیا تھا، جس کے بعد انتہا پسند ہندوؤں نے ان کے خلاف مظاہرے شروع کیے اور شو سے ان کی برطرفی کا مطالبہ کیا۔ دباؤ کے پیش نظر شو کی انتظامیہ نے سدھو کو شو سے الگ کر دیا تھا۔