شاہ رخ خان کی ’محبتیں‘ دیکھنے کے لیے بلیک میں ٹکٹ خریدا، ارجن کپور کا انکشاف

انہوں نے بتایا کہ کس طرح انہوں نے شاہ رخ خان کی فلم "محبتیں" دیکھنے کے لیے بلیک میں ٹکٹ خریدی۔ یہ واقعہ اُس وقت کا ہے جب وہ کلاس آٹھ یا نو میں تھے اور دیوالی کی چھٹیوں کے دوران اپنے دوستوں کے ساتھ فلم دیکھنے گئے۔

ارجن کپور نے کہا، "مجھے یاد ہے جب محبتیں ریلیز ہوئی تو ہم کو چاندن سینما کے باہر ٹکٹ نہیں مل رہی تھی، تو ہم نے بلیک میں ٹکٹ خرید لی۔ ہم دس لوگ تھے اور یہ بھی دیوالی کی چھٹیوں میں ہوا۔"

انہوں نے بتایا کہ اُن دنوں امتحانات ختم ہونے کے بعد دوستوں کے ساتھ فلم دیکھنے جانا ایک بڑا موقع ہوتا تھا۔ ارجن کا کہنا تھا، "محبتیں میرے لیے جذباتی اہمیت رکھتی ہے۔ اُس کا میوزک، انٹروڈکشن، سب کچھ مجھے آج بھی یاد ہے۔"