دیوسائی  میں پھنسے افراد کوبچانے کیلیے پاک فوج کا ریسکیو آپریشن

پاک فوج نے اسکردو میں دیوسائی کے مقام پر پھنسے افراد کو بچانے کے لیے آپریشن شروع کردیا۔

ایکسپریس نیوز کے مطابق دو گاڑیوں میں تقریباً 14 مسافر گلتری سے بذریعہ دیوسائی اسکردو جا رہے تھے کہ شدید برف باری کے باعث دیوسائی میں پھنس گئے۔مسافروں سے زمینی رابطہ منقطع ہوگیا۔

مسافروں کے اہل خانہ  اور علاقے کے لوگوں نے پاک آرمی سے مدد کی اپیل کی۔ پاک آرمی نے اپیل پر فوراً ہوائی اور زمینی  ریسکیو اپریشن شروع کیا۔ پاک آرمی کے جوانوں پر مشتمل جوائنٹ ٹیم مسافروں کو ریسکیو کرنے پیدل روانہ ہوگئی۔  

پاک فوج کے 2 ہیلی  کاپٹرز بھی ریسکیو آپریشن میں حصہ لے رہے ہیں۔ موسم کی خرابی اور شدید برف باری کے باعث فضائی آپریشن میں مشکلات کا سامنا ہے۔ پاک فوج مشکل کی اس گھڑی میں  ہمیشہ کی طرح اپنے لوگوں کےساتھ کھڑی ہے۔