جیا بچن کا نئی فلم میں منفرد انداز، پوسٹر وائرل
جیا بچن کو آخری بار کرن جوہر کی فلم ’راکی اور رانی کی پریم کہانی‘ میں دیکھا گیا تھا
بالی ووڈ کی سینئر اداکارہ جیا بچن اپنی نئی فلم ’دل کا دروازہ کھول نا ڈارلنگ‘ میں ایک منفرد کردار ادا کرتی نظر آئیں گی۔
اس فیملی کامیڈی ڈرامہ فلم میں جیا بچن کے ساتھ سدھانت چترویدی اور ومیکا گببی مرکزی کردار ادا کر رہے ہیں۔
فلم کے پروڈیوسرز نے حال ہی میں انسٹاگرام پر فلم کے سیٹ سے دو تصویریں شیئر کی ہیں، جن میں جیا بچن ایک نئے انداز میں دکھائی دے رہی ہیں۔
اطلاعات کے مطابق وہ فلم میں ایک گلوکارہ کا کردار نبھا رہی ہیں۔ تصاویر میں سدھانت اور ومیکا کو پس منظر میں خوشگوار موڈ میں دیکھا جا سکتا ہے۔