سبی ضمنی الیکشن کے غیر سرکاری نتائج، پی پی امیدوار آگے

بلوچستان اسمبلی کی نشست پی بی 8 سبی میں ضمنی انتخاب کے غیر حتمی غیر سرکاری نتائج کا سلسلہ جاری ہے۔

تفصیلات کے مطابق بلوچستان کے علاقے سبی کے حلقہ پی بی 8 میں ضمنی الیکشن ہوا، جس کے دوران پولنگ کا عمل صبح 9 سے شام پانچ بجے تک بغیر کسی وقفے کے جاری رہا۔

پولنگ کا وقت ختم ہونے کے بعد گنتی کا عمل شروع ہوا، آخری اطلاعات کے مطابق 13 پولنگ اسٹیشنز کے غیر حتمی غیر سرکاری نتائج کے مطابق پیپلزپارٹی کے امیدوار سردار کوہیار خان ڈومکی 6879 ووٹ لے کر پہلے جبکہ آزاد امیدوار میر اصغر خان مری 1592 ووٹ لے کر دوسرے نمبر پر ہیں۔

پولنگ پُرامن ماحول میں ہوئی تاہم سیاسی جماعت کے رہنما ایک دوسرے پر الزامات لگاتے اس دوران کوئی ناخوشگوار واقعہ پیش نہیں آیا۔