رضوان کا زمبابوے سیریز میں نئے ٹیلنٹ کو مزید مواقع دینے کا عندیہ
سینئیر کرکٹرز کو آرام کروایا جاسکتا ہے، محمد رضوان
پاکستان وائٹ بال ٹیم کے کپتان محمد رضوان نے آسٹریلیا کے ہاتھوں ٹی20 سیریز میں کلین سوئپ شکست کے بعد دورہ زمبابوے اور جنوبی افریقہ کیلئے نوجوان کرکٹرز کو موقع دینے کا عندیہ دیدیا۔
گزشتہ روز کلین سوئپ شکست کے بعد میڈیا سے گفتگو کرتے ہوئے قومی ٹیم کے کپتان محمد رضوان نے کہا کہ ہمارے پاس فخر زمان، افتخار احمد، شاداب خان اور عماد وسیم جیسے مڈل آرڈر کے تجربہ کار بیٹرز نہیں تھے جس کا نقصان ہوا تاہم نوجوان کرکٹرز کو مزید مواقع دیے جائیں گے۔
مزید پڑھیں: رضوان نے آسٹریلیا سے ٹی 20 سیریز میں وائٹ واش کا ملبہ مڈل آرڈرز پر ڈال دیا
انہوں نے کہا کہ ٹیم مینجمنٹ کیساتھ نوجوان کھلاڑیوں کو موقع دینے پر بات کی ہے، زمبابوے کیخلاف سیریز میں نئے ٹیلنٹ کو مواقع دیے جائیں گے جبکہ سینئیرز کو آرام کروایا جائے گا۔