سابق ٹیسٹ کپتان سرفراز احمد نیٹ پریکٹس میں مصروف
37 سالہ سرفراز احمد بدھ کو نیشنل اسٹیڈیم کے حنیف محمد ریجنل کرکٹ اکیڈمی گراونڈ پر نیٹ پریکٹس میں مصروف نظر آئے
(فوٹو: فائل)
سابق ٹیسٹ کپتان وکٹ کیپر بیٹر سرفراز احمد نے مسلسل محنت کو اپنا شعاربنا رکھا ہے۔
37 سالہ سرفراز احمد بدھ کو نیشنل اسٹیڈیم کے حنیف محمد ریجنل کرکٹ اکیڈمی گراونڈ پر نیٹ پریکٹس میں اپنی بیٹنگ صلاحیتوں میں نکھار لانے میں مصروف نظر آئے۔
سرفراز احمد 54 ٹیسٹ میچز میں4 سینچریز اور 21 ففٹیز کی مدد سے 4 ہزار 320 رنزجوڑ چکے ہیں جبکہ انہوں نے 117 ون ڈے انٹرنیشنل اور 61 ٹی ٹوئنٹی انٹرنیشنل میچز میں پاکستان کی نمائندگی کی ہے۔