کوئٹہ سے بین الصوبائی روٹس پر چلنے والی کوچز کو دن کے وقت سفر کرنیکی ہدایت

کوئٹہ سے بین الصوبائی روٹس پر چلنے والی تمام کوچز کو آج دن کے وقت سفر کرنے کی ہدایت جاری کی گئی ہیں۔

صوبائی ٹرانسپورٹ اتھارٹی نے ٹرانسپورٹرز کو ہدایت جاری کر دیں۔ سیکریٹری آر ٹی اے کے مطابق کچھ ناگزیر وجوہات کی بناء پر رات کو سفر سے گریز کیا جائے۔

دوسری جانب، یونٹی چوک پر بچے کے لواحقین اور سیاسی جماعتوں کے اکابرین کا دھرنا چھٹے روز بھی جاری ہے جس کے سبب اسکول، دفاتر اور کالجز جانے والے طلباء و طالبات متبادل راستے سے جانے میں پریشانی کا شکار ہیں۔

واضح رہے کہ گزشتہ ایک ماہ سے بلوچستان میں دہشت گردی کے واقعات میں اضافہ ہوا ہے جس کے سبب ہفتہ قبل کوئٹہ سے ٹرین آپریشن بھی روکا گیا تھا۔