عمران خان کی رہائی اور احتجاج کے معاملات : پی ٹی آئی قیادت کا اہم اجلاس طلب
توشہ خانہ کیس ٹو میں عمران خان کی ضمانت کے بعد احتجاج سے متعلق حتمی فیصلہ کیا جائے گا، ذرائع
(فوٹو: فائل)
اسلام آباد:
بانی پی ٹی آئی عمران خان کی توشہ خانہ ٹو کیس میں ضمانت کے بعد پارٹی قیادت نے اہم اجلاس طلب کرلیا۔
پارٹی ذرائع کے مطابق پی ٹی آئی قیادت نے احتجاج کے حوالے سے پارٹی قائدین کا اجلاس طلب کرلیا ہے جس میں احتجاج کے حوالے سے حتمی فیصلہ کیا جائے گا۔
ذرائع کے مطابق بانی چئیرمین کی جانب سے مذاکرات کے لیے علی امین اور بیرسٹر گوہر کو ذمہ داری سونپی گئی تھی۔
علی امین گنڈاپور اور بیرسٹر گوہر بانی چئیرمین پی ٹی آئی کا پیغام دیگر پارٹی قائدین تک پہنچائیں گے۔