سی آئی ڈی کے نئے سیزن کی شوٹنگ شروع، کب سے نشر ہوگا؟

بھارت کا مقبول ترین کرائم ڈرامہ سیریل ’سی آئی ڈی‘ 6 سال کے طویل وقفے کے بعد ایک بار پھر اسکرین پر واپسی کے لیے تیار ہے۔

بھارتی میڈیا کے مطابق اس ڈرامے کے میکرز نے انسٹاگرام پر ایک مختصر ویڈیو شیئر کی ہے، جس میں شوٹنگ کے مناظر دکھائے گئے ہیں۔ رپورٹ میں بتایا گیا ہے کہ شو کی ریکارڈنگ 22 نومبر کو کاسٹ اور عملے کی موجودگی میں مہورت پوجا کے ساتھ شروع کی جاچکی ہے۔

یہ ڈرامہ دوبارہ ’سونی انٹرٹینمنٹ ٹیلی ویژن‘ پر نشر ہوگا، جہاں سے یہ 6 سال پہلے ختم ہوا تھا مداح بھی اس ڈرامے دوبارہ آغاز پر بےحد خوش ہیں۔

سی آئی ڈی کے نئے سیزن میں پرانی کاسٹ شامل ہے جن میں شیواجی ستم (اے سی پی پردیومن) اور آدتیہ سریواستو (انسپکٹر ابھیجیت) اپنے مخصوص کردار نبھاتے نظر آئیں گے۔