9 مئی جیسے واقعات ناقابل برداشت ہیں، معاون خصوصی وزیراعلیٰ پنجاب

وزیر اعلیٰ پنجاب کے معاون خصوصی برائے سیاسی امور ذیشان ملک نے احتجاج اور مظاہروں پر تنقید کرتے ہوئے کہا ہے کہ 9 مئی جیسے واقعات ناقابل برداشت ہیں۔

وزیراعلیٰ کے معاون خصوصی برائے سیاسی امور ذیشان ملک نے بیان میں کہا کہ حکومت ملک کو معاشی استحکام کی طرف لے جانے کے لیے پرعزم ہے۔

انہوں نے کہا کہ جو لوگ نہیں چاہتے کہ ملک آگے بڑھے ترقی کی منازل طے کرے وہ افراتفری پھیلانے کے لیے احتجاجی ہتھکنڈے اپنائے ہوئے ہیں۔

ان کا کہنا تھا کہ ایسے لوگ اپنے مقاصد میں ناکام ہوں گے۔

ذیشان ملک نے کہا کہ 9 مئی جیسے واقعات ناقابل برداشت ہیں، کسی نے قانون ہاتھ میں لینے کی کوشش کی تو آہنی ہاتھوں سے نمٹا جائے گا۔