پاکستان کے گلوکار مجھ سے جلتے ہیں، چاہت فتح علی خان
چاہت فتح علی خان نے مشورہ دیا کہ حسد چھوڑ کر خوش رہیں اور اپنے کام پر توجہ دیں
سوشل میڈیا پر اپنی منفرد گلوکاری اور مختلف گانوں کو ریمکس بنا کر گانے سے مشہور چاہت فتح علی خان نے ایک ویڈیو بیان میں کہا ہے کہ پاکستانی گلوکار اور موسیقار ان سے حسد کرتے ہیں۔
انہوں نے کہا کہ یہ سمجھ نہیں آتا کہ بھارتی لیجنڈ گلوکار، پروڈیوسر، اور ہدایت کار تو ان کی تعریف کر رہے ہیں، چاہت نے مقبول بھارتی ہدایتکار کرن جوہر کا نام لے کر کہا کہ وہ بھی ان کی گائیکی سے خوش ہیں لیکن پاکستانی گلوکار، موسیقار اور اینکرز ان کی پذیرائی کیوں نہیں کرتے اور ہمیشہ ان سے جلتے کیوں ہیں۔