پاکستان کے الودہ ترین  شہروں میں لاہور آج بھی سر فہرست

آلودگی نے لاہور شہر میں اپنے پنجے گاڑ رکھے ہیں، شہر کا ایئر کوالٹی انڈیکس 305 ریکارڈ کیا گیا۔

ایئر کوالٹی انڈیکس کے مطابق دنیا کے آلودہ ترین شہروں میں بوسنیا کا شہرسراجیوو 315 ایئر کوالٹی انڈیکس کے ساتھ پہلے، لاہور 305 انڈیکس کے ساتھ دوسرے، ننی دہلی 253 کے ساتھ تیسرے اور کراچی 220 کے ساتھ چوتھے نمبر پر ہے۔

واضح رہے کہ حکومت پنجاب نے شہر بھر کے تعلیمی ادارے اور تفریحی مقامات عوام کیلئے پہلے ہی کھول دیے ہیں جبکہ لاہور سمیت چار اضلاع میں تعمیراتی کام کی بھی اجازت دے دی گئی ہے۔ 

زگ زیگ ٹیکنالوجی پر بھٹے بھی کام کرسکیں گے، سرکاری و نجی دفاتر کو 100 فیصد عملے کے ساتھ کام کی اجازت مل گئی ہے، ہیوی ٹریفک پیر سے جمعرات تک اضلاع میں داخل ہوسکے گی، جمعہ سے اتوار تک ہیوی ٹریفک کو داخلے کی اجازت نہیں ہوگی۔

دکانیں، شاپنگ مالز 8 بجے بند کرنے کا فیصلہ برقرار ہے، ریسٹورنٹس کا ان ڈور، آؤٹ ڈور ڈائننگ 10 بجے تک ہوگا، ہوڈ سسٹم نصب کیے بغیر باربی کیو کی اجازت نہیں ہوگی، ڈپٹی کمشنر لاہور سید موسیٰ رضا کے مطابق اسموگ ایس او پیز کی خلاف ورزی پر کارروائیوں کا سلسلہ جاری ہے۔