نانا کی قبر کے لیے پھول خریدنے والا نوجوان ہزاروں ڈالر جیت گیا

امریکا میں اپنے نانا کی قبر پر پھول چڑھانے کے لیے دکان پر رکنے والے نوجوان نے ہزاروں ڈالر کی لاٹری جیت لی۔

امریکی ریاست آئیووا کے شہر واشنگٹن سے تعلق رکھنے والے 21 مائلز جونز نے بتایا کہ وہ ایک اسٹور پر اپنی والدہ، خالہ اور نانی کے لیے پھول لینے رکے۔

مائلز کے مطابق تین برس قبل ان کے نانا کا انتقال ہوا اور ان کی قبر پر چڑھانے کے لیے وہ اسٹور پر رکے تھے کہاں انہوں نے لاٹری خریدی جس میں ان کا 25 ہزار ڈالر کا انعام نکلا۔

انہوں نے کہا کہ اس وقت حیرت کے مارے انہیں اس بات پر یقین نہیں آیا۔ ان کا ماننا ہے کہ اس خوش قسمتی میں ان کے نانا کا ہاتھ ہے۔

ان کا کہنا تھا کہ وہ یہ پیسے اپنے تعلیم کی حوالے سے لیے قرض کو چکانے کے لیے استعمال کریں گے۔