طلاق کی خبریں جھوٹی؟ ابھیشیک اور ایشوریا نے بیٹی کی سالگرہ ساتھ منائی

بالی ووڈ اسٹار ابھیشیک بچن نے اپنی بیٹی آرادھیا کی 13ویں سالگرہ کے موقع پر منعقدہ تقریب میں شرکت کی، جس کی تصدیق ایک نئی ویڈیو کے ذریعے ہوئی ہے۔

آرادھیا کی سالگرہ کی تقریب، جو ایشوریا رائے نے منعقد کی تھی، میں قریبی رشتہ داروں اور دوستوں نے شرکت کی۔ تاہم، تصاویر میں ابھیشیک کی غیر موجودگی نے ان کی ازدواجی زندگی کے حوالے سے افواہوں کو مزید ہوا دی۔

لیکن حالیہ ویڈیو میں دیکھا گیا کہ ابھیشیک تقریب کے دوران منتظمین کا شکریہ ادا کر رہے ہیں۔ ویڈیو میں انہیں یہ کہتے ہوئے سنا گیا: “جاتین، شکریہ ہمیشہ کے لیے۔ یہ 13 سال کا سفر ہے، آپ ہر سال آرادھیا کی سالگرہ کو خاص بناتے ہیں۔ آپ سب خاندان کی طرح بن گئے ہیں۔”