ایبٹ آباد؛ اسکول میں گیس ہیٹر پھٹنے سے 6 طلبہ جھلس گئے
چوتھی جماعت کے طلبہ کو ابتدائی طبی امداد دے کر اسپتال منتقل کردیا گیا
(فوٹو: سوشل میڈیا)
ایبٹ آباد: اسکول میں گیس ہیٹر پھٹنے سے 6 طلبہ جھلس کر زخمی ہو گئے۔
ایکسپریس نیوز کے مطابق ایبٹ آباد میں پرائمری اسکول نمبر 4 میں گیس ہیٹر پھٹنے سے چوتھی جماعت کے 6 طلبہ جھلس کر زخمی ہو گئے۔
واقعے کی اطلاع ملتے ہی میڈیکل ریسکیو ٹیم موقع پر پہنچی اور جھلسنے والے طلبہ کو ابتدائی طبی امداد فراہم کرکے اسپتال منتقل کیا۔
گیس ہیٹر پھٹنے سے جھلس کر زخمی ہونے والے طلبہ میں سفیان ، معاویہ ،عاشر ، امام حسنین ، عمیر اور فرید شامل ہیں۔