کراچی؛ ایم ڈی کیٹ ٹیسٹ میں اصل امیدواروں کی جگہ امتحان دینے والے 2 جعلی امیدوار گرفتار
گرفتار ملزمان میں قیصر علی اور عبدالمجید شامل ہیں، دفعہ 419، 420 اور 34 کے تحت مقدمہ درج کرلیا گیا ہے
کراچی:
کراچی میں ہونے والے میڈیکل اور ڈینٹل کالجز کے داخلہ ٹیسٹ کے دوران جعلسازی کی کوشش ناکام بنا دی گئی۔ سینٹر انچارج کی اطلاع پر پولیس نے کارروائی کرتے ہوئے دو جعلی امیدواروں کو گرفتار کر لیا۔
تفصیلات کے مطابق کراچی کی این ای ڈی یونیورسٹی میں ایم ڈی کیٹ امتحان کے دوران دو جعلی امیدواروں کو دھرلیاگیا، یہ دونوں ملزمان اصل امیدواروں کی جگہ امتحان دینے کی کوشش کر رہے تھے۔
کارروائی ایس آئی بی اے سکھر کے سوشل پروفیسر اور سینٹر انچارج کی اطلاع پر کی گئی۔ گرفتار ملزمان کی شناخت قیصر علی ولد اقرار علی اور عبدالمجید ولد قابل دین کے طور پر ہوئی، جو شاہ زمان ولد گل زمان اور قمر دین ولد کامل دین کی جگہ امتحان دے رہے تھے۔\
پولیس نے دونوں ملزمان کے خلاف دفعہ 419، 420 اور 34 کے تحت مقدمہ درج کر لیا ہے۔