وادی نیلم میں مسافر جیپ حادثے کا شکار، ایک ہی خاندان کے 4افراد جاں بحق
حادثے میں زخمی 8 افراد میں سے دو کی حالت تشویش ناک بتائی گئی، کنٹرول روم نیلم
مظفرآباد:
وادی نیلم میں مسافر جیپ حادثے کا شکار ہوگئی جس کے باعث ایک ہی خاندان کے 4افراد جاں بحق ہوگئے۔
کنٹرول روم نیلم کے مطابق جیپ حادثے میں 8افراد کے زخمی ہونے کی بھی اطلاعات ہیں جبکہ زخمی ہونے والے دو افراد کی حالت نازک بتائی جاتی ہے۔
ڈاکٹر اشرف خان ایم ایس ٹی ایچ کیو اسپتال کیل کے مطابق حادثے میں جاں بحق اور زخمیوں کا تعلق ایک ہی خاندان سے ہے، مسافر جیپ کیل سے شاردہ جا رہی تھی۔
حادثے کی اطلاع ملتے ہی پولیس اور امدادی ٹیمیں موقع پر روانہ کی گئیں۔