اجے دیوگن کی ایکشن تھرلر فلم ’سنگھم اگین' کے مداحوں کیلئے خوشخبری 

مشہور بالی ووڈ فلمساز روہت شیٹی اور اداکار اجے دیوگن کی زبردست ایکشن فلم 'سنگھم اگین'، جو 1 نومبر 2024 کو ریلیز ہوئی تھی، اب جلد ہی او ٹی ٹی پر دستیاب ہوگی۔ 

رپورٹس کے مطابق، اس فلم کے او ٹی ٹی حقوق ایمیزون پرائم ویڈیو نے حاصل کر لیے ہیں، اور فلم او ٹی ٹی پلیٹ فارم پر ریلیز کردی گئی ہے۔

فلم  نے باکس آفس پر 265 کروڑ روپے کا شاندار بزنس کیا، اب ایمیزون پرائم ویڈیو کے رینٹل اسٹور پر کرایہ پر دستیاب ہے۔ یہ فلم روہت شیٹی کے مشہور کوپ یونیورس کا حصہ ہے، جس میں اجے دیوگن کے ساتھ کرینہ کپور اور ارجن کپور اہم کرداروں میں نظر آئے ہیں۔

'سنگھم اگین' کا اعلان 2017 میں سنگھم 3 کے نام سے ہوا تھا، جسے بعد میں 2022 میں تبدیل کر کے 'سنگھم اگین' رکھا گیا۔ اس کی شوٹنگ ستمبر 2023 میں شروع ہوئی اور ایک سال بعد ستمبر 2024 میں مکمل ہوئی۔ فلم کی عکس بندی کے لیے ممبئی، حیدرآباد، کشمیر، اور سری لنکا جیسے مقامات کا انتخاب کیا گیا تاکہ بہترین مناظر کو فلمایا جا سکے۔

یہ فلم دیوالی کے موقع پر 1 نومبر 2024 کو آئی میکس اور دیگر فارمیٹس میں ریلیز ہوئی اور مداحوں کی بھرپور تعریف حاصل کی۔