جج ہمایوں دلاور کیخلاف سوشل میڈیا پروپیگنڈا، ملزم کی عبوری ضمانت میں 3 جنوری تک توسیع
ملزم کے خلاف ایف آئی اے سائبر کرائم ونگ نے مقدمہ درج کر رکھا ہے
اسلام آباد کی ڈسٹرکٹ اینڈ سیشن عدالت نے جج ہمایوں دلاور کے خلاف سوشل میڈیا پر پروپیگنڈے کیس کے ملزم کی عبوری ضمانت میں 3 جنوری تک توسیع کردی۔
جج ہمایوں دلاور کے خلاف سوشل میڈیا پروپیگنڈا کیس کے ملزم کی درخواست ضمانت کی سماعت ایڈیشنل سیشن جج محمد افضل مجوکہ نے کی۔ ملزم صدیق انجم اپنے وکیل کے ہمراہ عدالت پیش ہوئے۔ عدالت نے آئندہ سماعت پر دلائل طلب کرتے ہوئے ملزم کی عبوری ضمانت میں 3 جنوری تک توسیع کردی۔
ملزم کے خلاف ایف آئی اے سائبر کرائم سیل نے مقدمہ درج کر رکھا ہے۔