انتہائی نایاب گول انڈا 70 ہزار روپے میں فروخت

حال ہی میں ایک انتہائی نایاب گول انڈا برطانیہ میں ایک نیلامی میں 200 برطانوی پاؤنڈز (70 ہزار سے زائد پاکستانی روپے) میں نیلام ہوا ہے۔

اس نایاب انڈے کے سابق مالک برک شائر کے لیمبورن سے تعلق رکھنے والے ایڈ پاونیل تھے جنہوں نے اسے 150 پاؤنڈز میں خریدا تھا۔
انڈے کے مالک بننے کے بعد مسٹر پاونیل نے اسے Iuventas فاؤنڈیشن کو عطیہ کردیا جو کہ ایک خیراتی ادارہ ہے جو آکسفورڈ شائر کے نوجوانوں کو لائف کوچنگ، رہنمائی اور دماغی صحت کی امداد فراہم کرتا ہے۔

ادارے نے بتایا کہ ابتدا میں ہمیں مسٹر پاونیل کی طرف سے انڈے کی فروخت کی تجویز ایک مذاق لگی۔ تاہم جب ہم انڈے کی فروخت کے بارے میں شائع ہونے والے مضامین کو پڑھا تو ہمیں یقین ہوا اور بالآخر ہم نے اسے نیلام کرنے کا فیصلہ کیا۔

فاؤنڈیشن نے کہا کہ ہم انڈوں کی نیلامی سے بہت خوش ہیں اور پرجوش ہیں کیونکہ اس کا مطلب ہے کہ ہم ضرورت مند نوجوانوں کی مدد بہتر طور پر جاری رکھ سکیں گے۔

ادارے نے مزید کہا کہ حاصل ہونے والی رقم سے 13 سے 25 سال کی عمر کے بچوں کو ان کی ذہنی صحت کے ساتھ جدوجہد کرنے میں مدد ملے گی۔ یہ ہمیں مزید نوجوانوں تک پہنچنے کے قابل بنائے گا جنہیں مدد کی ضرورت ہے۔