لوگوں کے محض پاؤں دیکھ کر ان کی شخصیت کا پتہ لگائیں

شخصیت ظاہر کرنے والے عوامل کے بارے میں گفتگو کرتے وقت پاؤں کے بارے میں آخر کون سوچتا ہے لیکن وہ بھی ہماری فطرت کے بارے میں بہت کچھ بتا سکتے ہیں۔

ذیل میں پاؤں کی شکلوں کی مختلف اقسام دی جارہی ہیں جو آپ کی عادات، جذبات اور ذہنیت کے بارے میں بہت کچھ بتاتی ہیں۔
لہذا غور سے دیکھیں، شاید آپ اپنے بارے میں کچھ نیا دریافت کرلیں۔

1) مصری پاؤں

مصری پاؤں میں پیر کا انگوٹھا سب سے لمبا ہوتا ہے اور باقی انگلیاں ترتیب وار چھوٹی ہوتی جاتی ہیں۔ اس قسم کے پاؤں رکھنے والے لوگ گہرئی میں سوچنے والے اور خود شناس ہوتے ہیں۔ وہ اکثر خود کو روحانیت یا فلسفے کی طرف راغب پاتے ہیں۔

2) رومن پاؤں

رومن پاؤں میں پہلی تین انگلیوں کی برابر لمبائی ہوتی ہے جبکہ آخری دو چھوٹی ہوتی ہیں۔ یہ پاؤں کی شکل طاقت، قیادت اور عدل کے احساس کی نمائندگی کرتی ہے۔

3) یونانی پاؤں

یونانی پاؤں میں دوسری انگلی نمایاں طور پر باقی انگلیوں سے لمبی ہوتی ہے۔ یونانی پیروں والے لوگ نئے آئیڈیاز تلاش کرنے، نئے لوگوں سے ملنے اور دلچسپ چیلنجوں کا سامنا کرنے کے لیے پرجوش ہوتے ہیں۔

4) جرمن پاؤں

جرمن پاؤں کا انگوٹھا سب سے بڑا ہوتا ہے اور باقی انگلیاں چھوٹی ہوتی ہیں اور ان کی لمبائی بھی یکساں ہوتی ہے۔ جرمن پیروں والے لوگ اکثر مستحکم اور قابل اعتماد کے طور پر دیکھے جاتے ہیں جو مشکل حالات میں بہترین مسئلہ حل کرنے کے قابل ہوتے ہیں۔

5) سیلٹک پاؤں

سیلٹک پاؤں کی دوسری انگلی لمبا اور انگوٹھا اس سے تھوڑا چھوٹا ہوتا ہے جبکہ باقی انگلیوں کی لمبائی بے ترتیب ہوتی ہے۔ پاؤں کی یہ قسم تخلیقی اور خود مختار شخصیت سے منسلک ہے جو آزادی کو سب سے بڑھ کر اہمیت دیتے ہیں۔ یہ لوگ اپنے غیر روایتی خیالات اور سوچ رکھتے ہیں۔