سندھ پنجاب سرحد پر کچے میں مغویوں کی بازیابی کے لیے آپریشن، 5 مشتبہ افراد زیر حراست

ضلع گھوٹکی کی پولیس نے سندھ پنجاب کے سرحدی علاقے کراس بند میں مغویوں کی بازیابی کے لیے تنویر مزاری گینگ کے خلاف آپریشن کرتے ہوئے 5 مشتبہ افراد کو حراست میں لے لیا۔

 ڈی ایس پی ڈہرکی  نے بتایا کہ سندھ پنجاب کے سرحدی علاقے کراس بند کے مقام پر پولیس کے آپریشن کے دوران ڈاکوؤں اور پولیس کے درمیان شدید فائرنگ کا تبادلہ جاری ہے۔

 ڈی ایس پی عبد القادر سومرو  نے کہا کہ آپریشن تنویرو مزاری، مقصود مزاری، لیاقت مزاری جمیلو انڈھڑ گینگ کے خلاف کیا جا رہا ہے، پولیس نے آپریشن کے متعدد ٹھکانوں کو نذرآتش کر دیا۔

ان کا کہنا تھا کہ پولیس آپریشن میں چھ تھانوں کی نفری ایس ایچ اوز اور دو ڈی ایس پیز حصہ کے رہے ہیں، آپریشن ایک ماہ قبل ڈہرکی سے اغوا ہونے والے 2  مغویوں کی بازیابی کے لیے کیا جا رہا ہے، ڈہرکی کے دو مغویوں اسد راجڑی اور غلام مصطفی راجڑی کو ڈہرکی کے علاقے سانکو سے اغوا کیا گیا تھا۔

پولیس کا کہنا ہے مغویوں کی بازیابی کے لیے آپریشن کیا ہے جب تک مغویوں کی بازیابی نہیں ہو جاتی تب تک ڈاکوں کے خلاف ہمارا اپریشن جاری رہے گا۔