لاہور میں 24سالہ خاتون ٹیچر سگے بھائی کے ہاتھوں قتل
ملزم عثمان کا بہن زرقا کے ساتھ جھگڑا ہوا تھا، پولیس حکام
لاہور:
چوہنگ کے علاقے میں 24 سالہ خاتون اسکول ٹیچر کو سگے بھائی نے قتل کر دیا۔
پولیس کے مطابق زرقا جاوید کو بھائی عثمان نے فائرنگ کرکے قتل کیا اور فرار ہوگیا جس کی گرفتاری کے لیے کوششیں جاری ہیں۔
مقتولہ کی لاش پوسٹ مارٹم کے لیے اسپتال منتقل کر دی گئی جبکہ والدہ کی مدعیت میں مقدمہ درج کر لیا گیا۔
پولیس حکام کا کہنا ہے کہ ملزم عثمان کا بہن زرقا کے ساتھ جھگڑا ہوا تھا تاہم ملزم کی گرفتاری کے بعد قتل کی حتمی وجوہات سامنے آئیں گی۔