برطانوی ہائی کمشنر جین میرٹ کا طبلہ بجا کر کرسمس کی مبارکباد کا انوکھا انداز

پاکستان میں برطانیہ کی ہائی کمشنر جین میرٹ نے انوکھے انداز میں کرسمس کا جشن مناتے ہوئے ویڈیو سوشل میڈیا پر شیئر کردی جس کو دیکھ کر صارفین بھی حیران رہ گئے۔

سماجی رابطے کی ویب سائٹ ایکس پر جاری کردہ ویڈیو میں جین میرٹ کو موسیقار نظامی برادرز سے طبلے پر کرسمس کے روائتی گانے کی دھن بجانا سیکھتے دیکھا جا سکتا ہے۔

جین میرٹ نے ویڈیو کے کیپشن میں خوشی کا اظہار کرتے ہوئے لکھا کہ انہیں طبلے پر جنگل بیلز بجانا سیکھنے میں بےحد لُطف آیا، انہوں نے نظامی برادرز کا شکریہ ادا کرتے ہوئے سب کو کرسمس کے تہوار کی مبارکباد پیش کی۔