سلمان خان کی رہائش گاہ پر سیکیورٹی کے سخت اقدامات، بلٹ پروف شیشے نصب
گلیکسی اپارٹمنٹ کی بالکونی بلٹ پروف شیشے سے مکمل طور پر ڈھک دی گئی ہے
بالی ووڈ کے سُپر اسٹار سلمان خان نے سیکیورٹی خدشات کے پیش نظر اپنی رہائش گاہ، گلیکسی اپارٹمنٹ میں اپنی حفاظت کے لیے سخت اقدامات کیے ہیں۔
بھارتی میڈیا رپورٹ کے مطابق گزشتہ دنوں بدنام زمانہ لارنس بشنوئی گینگ کی جانب سے موصول ہونے والی دھمکیوں کے بعد، سلمان خان کی رہائش گاہ پر سیکیورٹی کو بڑھا دیا گیا ہے۔
اداکار کے گھر کے باہر کے مناظر کی ایک ویڈیو سامنے آئی ہے جو سوشل میڈیا پر تیزی سے وائرل ہو رہی ہے اس میں دیکھا گیا کہ گلیکسی اپارٹمنٹ کی بالکونی بلٹ پروف شیشے سے مکمل طور پر ڈھک دی گئی ہے۔