راولپنڈی: خاتون کے اندھے قتل کا ڈراپ سین، شوہر ہی قاتل نکلا
رشتے کے تنازع پر قتل کر کے واقعہ کو واردات کا رنگ دینے کی کوشش کی، مقدمہ درج کروایا کہ اہلیہ کو کسی نے قتل کردیا۔
پولیس نے بتایا کہ جائے وقوع سے آلہ قتل بھی برآمد ہوا ہے—فوٹو: فائل
ٹیکسلا پولیس نے اہم کارروائی کرتے ہوئے خاتون کے اندھے قتل کا معمہ حل کرلیا اور مقتولہ کے شوہر کو گرفتار کرلیا۔
پولیس کے مطابق ملزم اللہ دتہ نے رشتے کے تنازع پر بیوی کو قتل کرکے واقعہ کو واردات کا رنگ دینے کی کوشش کی۔
پولیس کے مطابق ملزم اللہ دتہ نے اپنی مدعیت میں مقدمہ درج کروایا کہ اس کی اہلیہ کو کسی نامعلوم شخص نے قتل کیا ہے۔
رپورٹ کے مطابق ٹیکسلا پولیس نے تمام ٹیکنیکل ذرائع اور ہیومن انٹیلی جنس کی مدد سے قتل کا سراغ لگا لیا۔
ایس پی پوٹھوہار نے کہا کہ ملزم کو قرار واقعی سزادلوانے کے لیے تمام قانونی تقاضے پورے کیے جائیں گے، ملزمان کتنا ہی شاطر کیوں نہ ہو قانون کی گرفت سے نہیں بچ سکتا۔