عامر خان کے ایک مشورے نے مالویکا موہنن کو بالی ووڈ اسٹار بنا دیا
بالی ووڈ اور علاقائی فلموں میں اپنی شاندار پرفارمنس سے شہرت حاصل کرنے والی اداکارہ مالویکا موہنن نے حالیہ انٹرویو میں انکشاف کیا کہ بالی ووڈ کے "پرفیکشنسٹ" عامر خان کی ایک نصیحت نے ان کے کیریئر کا رخ بدل دیا۔
اداکارہ نے بتایا کہ عامر خان نے انہیں اداکاری کو بطور پیشہ اپنانے کی ترغیب دی، جس نے ان کی زندگی پر گہرا اثر ڈالا۔
مالویکا نے بتایا کہ ان کی عامر خان سے پہلی ملاقات فلم تلاش کی شوٹنگ کے دوران ہوئی۔
انہوں نے کہا: "فلم تلاش کی شوٹنگ رات کے وقت ساوتھ بمبئی میں ہو رہی تھی۔ میں سڑک کے دوسری جانب کھڑی تھی اور عامر خان شاٹ کے بیچ آرام کر رہے تھے۔ اچانک انہوں نے مجھے بلایا اور پوچھا کہ میں کیا کرتی ہوں۔ جب میں نے بتایا کہ میں کالج میں ہوں تو انہوں نے کہا، 'تمہیں اداکارہ بننا چاہیے'۔ یہ بات بالکل غیر متوقع تھی لیکن ان کے مشورے نے میری سوچ بدل دی۔"
مالویکا موہنن 2025 میں کئی بڑے پروجیکٹس کا حصہ بننے جا رہی ہیں۔ ان میں ان کی پہلی تلگو فلم "دی راجا صاحب" شامل ہے، جس میں وہ سپر اسٹار پربھاس کے ساتھ نظر آئیں گی۔ اس کے علاوہ، وہ جاسوسی تھرلر "سردار 2" میں اداکار کارتھی کے ساتھ اہم کردار ادا کریں گی۔