کراچی میں سردی کی شدت برقرار، آئندہ 24گھنٹوں میں موسم کیسا رہے گا؟

شہر قائد میں سردی کی شدت برقرار ہے جبکہ آئندہ 24 گھنٹوں کے دوران موسم سرد اور خشک رہے گا۔

محکمہ موسمیات کے مطابق آج کم سے کم درجہ حرارت 11 ڈگری سینٹی گریڈ ریکارڈ ہوا جبکہ ہلکی دُھند کے باعث حدِ نگاہ 2.5 کلو میٹر ریکارڈ ہوئی۔

آئندہ 24 گھنٹوں میں 5 سے 20 کلو میٹر فی گھنٹہ کی رفتار سے شمال مشرقی سمت سے ہوائیں چلنے کا امکان ہے جبکہ اس دوران زیادہ سے زیادہ درجہ حرارت 27 اور کم سے کم 11 ڈگری سینٹی گریڈ متوقع ہے۔

مزید پڑھیں؛ پنجاب میں دھند کا راج، کراچی میں سردی کی شدت برقرار

واضح رہے کہ گزشتہ روز کراچی میں سردی کی شدت برقرار رہنے کے باعث کم سے کم درجہ حرارت 10.8 ڈگری سینٹی گریڈ ریکارڈ ہوا تھا۔

محکمہ موسمیات کے مطابق 18 سے 20 جنوری تک بارش برسانے والا سسٹم پاکستان میں داخل ہو سکتا ہے اور اس دوران پنجاب بھر میں بادلوں کے ساتھ ہلکی بارش کے امکان ہے۔