اینڈرائیڈ صارفین واٹس ایپ کے اس مسئلے سے ہوجائیں ہوشیار!

اینڈرائیڈ پر واٹس ایپ استعمال کرنے والے صارفین کو خبردار کیا گیا ہے کہ ایک بگ ان کی فون کالز میں خلل ڈال سکتا ہے۔

یہ بگ ایپ کے آف کیے جانے یا اسکرین کے ڈِم ہوجانے پر پر مائیکرو فون کو بند کر دیتا ہے جس کا مطلب ہے کہ جب اینڈرائیڈ صارف کال کے دوران کسی دوسری ایپ کو استعمال کرتا یا اسکرین کو کافی دیر تک نہیں چھوتا ہے اور اس دوران اسپیکر آن ہوتا ہے تو کال ممکنہ طور پر کٹ سکتی ہے۔

ٹیک ایشو ٹوڈے کی رپورٹ کے مطابق متاثرہ صارفین کی جانب سے سماجی رابطے کے پلیٹ فارم ریڈ اِٹ اور دیگر آن لائن فورمز پر پر پوسٹ میں بتایا گیا کہ ان کو یہ مسئلہ کچھ عرصہ سے درپیش ہے۔

ون پلس کمیونیٹی کی ایک پوسٹ میں اس متعلق شکایت کی گئی تھی کہ یہ مسئلہ 2019 میں شائع کیا گیا تھا۔

صارف نے لکھا کہ جب بھی وہ واٹس ایپ کال پر ہوتے ہیں اور کسی دوسری ایپ پر جاتے ہیں تو ان کی آواز خود بخود بند ہوجاتی ہے۔ جب واٹس ایپ دوبارہ جایا جاتا ہے تو آواز بحال ہوجاتی ہے۔ یہی چیز تب ہوتی ہے جب واٹس ایپ کال کے درمیان اسکرین لاک ہوجاتی ہے، اور جب تک اسکرین ان لاک کر کے دوبارہ ایپ پر نہ جایا جائے دوسرے فریق کو آواز نہیں جاتی ہے۔