رائیونڈ میں بیٹے نے فائرنگ کرکے باپ اور سوتیلی ماں کو قتل کردیا بھائی زخمی

کھوکھراں والی حویلی کے قریب جواں سال بیٹے نے فائرنگ کرکے اپنے باپ اور سوتیلی ماں کو قتل کردیا ۔


ایکسپریس نیوز کے مطابق رائیونڈ کے علاقے کھوکھراں والی حویلی کے رہائشی عبدالستار نامی شخص نے اپنی بیوی کے انتقال کے کچھ عرصہ بعد دوسری شادی کی تھی جس پر اس کا جوان سال بیٹا مصطفیٰ خوش نہیں تھا، جس کی وجہ سے دونوں باپ بیٹے کے درمیان تلخ کلامی روز کا معمول بن گئی تھی۔ ہفتے کی صبح بھی دونوں باپ بیٹے کے درمیان جھگڑا ہوا جس پر مصطفٰی نے فائرنگ کردی۔ فائرنگ کے نتیجے میں عبدالستار اور اس کی سوتیلی ماں فرزانہ موقع پر ہی ہلاک جبکہ اس کا ڈیڑھ برس کا سوتیلا بھائی زخمی ہوگیا۔

واقعے کے بعد مصطفیٰ فرار ہوگیا جبکہ پولیس نے لاشوں کو قریبی اسپتال منتقل کرکے ملزم کے خلاف دوہرے قتل اور اقدام قتل کا مقدمہ درج کرلیا ہے۔