وزیر اعظم نواز شریف نے ملک میں سیکیورٹی صورتحال پر قومی سلامتی کانفرنس طلب کرلی
کانفرنس میں سیاسی جماعتوں کےپارلیمانی رہنما، صوبائی وزرائےاعلیٰ، وفاقی وزرا، آرمی چیف اورڈی جی آئی ایس آئی شریک ہونگے
کانفرنس میں ڈی جی آئی ایس آئی اور ڈی جی ملٹری آپریشن کی جانب سے ضرب عضب میں ہونے والی پیش رفت اور سیکیورٹی صورتحال پر بریفنگ دی جائے گی۔ فوٹو: فائل
وزیر اعظم نواز شریف نے ملک میں سیکیورٹی صورتحال پر قومی سلامتی کانفرنس طلب کرلی ہے جس میں سیاسی جماعتوں کے پارلیمانی رہنما شرکت کریں گے۔
ایکسپریس نیوز کے مطابق وزیر اعظم نواز شریف نے آج صبح 10 بجے وزیر اعظم ہاؤس اسلام آباد میں قومی سیکیورٹی کانفرنس طلب کرلی ہے جس میں سیاسی جماعتوں کے پارلیمانی رہنما، چاروں صوبائی وزرائے اعلیٰ اور وفاقی وزرا کے علاوہ آرمی چیف جنرل راحیل شریف، ڈی جی آئی ایس آئی میجر جنرل ظہیر الاسلام اور ڈی جی ایم او بھی شریک ہوں گے۔
کانفرنس میں ملک کی مجموعی صورت حال، اسلام آباد میں آرٹیکل 245 کے نفاذ اور شمالی وزیرستان میں جاری آپریشن ضرب عضب کے حوالے سے غور کیا جائے گا۔ کانفرنس میں ڈی جی آئی ایس آئی اور ڈی جی ملٹری آپریشن کی جانب سے ضرب عضب میں ہونے والی پیش رفت اور سیکیورٹی صورت حال پر بریفنگ بھی دی جائے گی۔
ایکسپریس نیوز کے مطابق وزیر اعظم نواز شریف نے آج صبح 10 بجے وزیر اعظم ہاؤس اسلام آباد میں قومی سیکیورٹی کانفرنس طلب کرلی ہے جس میں سیاسی جماعتوں کے پارلیمانی رہنما، چاروں صوبائی وزرائے اعلیٰ اور وفاقی وزرا کے علاوہ آرمی چیف جنرل راحیل شریف، ڈی جی آئی ایس آئی میجر جنرل ظہیر الاسلام اور ڈی جی ایم او بھی شریک ہوں گے۔
کانفرنس میں ملک کی مجموعی صورت حال، اسلام آباد میں آرٹیکل 245 کے نفاذ اور شمالی وزیرستان میں جاری آپریشن ضرب عضب کے حوالے سے غور کیا جائے گا۔ کانفرنس میں ڈی جی آئی ایس آئی اور ڈی جی ملٹری آپریشن کی جانب سے ضرب عضب میں ہونے والی پیش رفت اور سیکیورٹی صورت حال پر بریفنگ بھی دی جائے گی۔