امریکا میں رنگا رنگ ایمی ایوارڈز کی تقریب منعقد کی گئی

امریکی ریاست لاس اینجلس کے نوکیا تھیٹرمیں ایمی ایوارڈز کی رنگارنگ تقریب منعقد کی گئی۔

فلم اور ٹی وی ستاروں کےجھرمٹ نےتقریب کوچارچاند لگادیے۔ ناموراداکارہ جولی این مور، ہیدی کلم، نکول کڈمین، گلوکارکیتھ اربن اور دوسرے ستارے ریڈ کارپٹ پرجلوہ گرہوئے۔


تقریب میں بہترین ڈرامےکا ایوارڈ ہوم لینڈ کو ملا جن کے ڈرامے کی کہانی نائن الیون کے بعدعراق جانے والےامریکی فوجی کے گردگھومتی ہے۔ ڈیمیئن لیوس کواسی ڈرامے میں بہترین اداکار کا ایوارڈ ملا جبکہ بہترین اداکارہ کا ایوارڈ کلیئرڈینزلے کو دیا گیا۔

امریکی سیاست دان سارہ پیلن پربننے والی سیریز میں سارہ کے کردار کرنے والی جولیا این مور کو منی سیریز کی بہترین اداکارہ کا ایوارڈ ملا۔

امریکن ہارر اسٹوری کےلئےبہترین معاون اداکارہ کا ایوارڈ جیسیکا لانج اور بریکنگ بیڈ کےلئے بہترین معاون اداکار کا ایوارڈ ایرن پاؤل کو دیا گیا۔