بھیڑوں کو تلف کرنے کا عمل روکنے کا حکم فارم پر موجود عملے کیلیے حفاظتی اقدامات کی ہدایت

سندھ ہا ئیکورٹ نے آسٹریلیا سے درآمدشدہ بھیڑوں کوتلف کرنے سے روکنے کا حکم دیتے ہوئے فارم پر فرائض انجام دینے والے انسانوں کے لیے حفاظتی اقدامات کا حکم دیا ہے۔

،درخواست گزار کے وکیل نے بتایا کہ بحرین میں جہاز کے اخراجات زیادہ ہونے کے باعث آسٹریلینز نے بھیڑیں انھیں فروخت کرنے کا فیصلہ کیا تھا۔


پیر کو جسٹس مقبول باقر کی سربراہی میں دو رکنی بنچ کے روبرو پروفیسر ڈاکٹر رفیق ٓخانانی نے ابتدائی رپورٹ پیش کی، بینچ نے پیر کو میٹ کمپنی کے مالک طارق بٹ کی درخواست کی سماعت کی۔

اس موقع پرڈپٹی اٹارنی جنرل سید عاشق رضا،ایڈیشنل ایڈوکیٹ جنرل شفیع میمن،سیکریٹری لائیواسٹاک عابد علی شاہ،ڈائریکٹرلائیو اسٹاک ڈاکٹر نذیر کلہوڑو، پروفیسر ڈاکٹر رفیق خانانی اور دیگر پیش ہوئے۔